Eskola Ibiltariko aurkezpenekin jarraituko dute aste honetan ere

Uztailaren 23tik 26ra izango den ibilaldiaren aurkezpenak egiten ari dira Ikasle Abertzaleakeko kideak. Gaur Hernanin eta Gernikan, eta bihar Bergaran eta Iturmendin izango dira, besteak beste. Bonoak salgai daude uztailaren 16ra arte.
Argazki Nagusia
Argazkia: Ikasle Abertzaleak
2019ko uztailaren 08a

"Ikasleon formakuntza edo heziketa iraultzailean eta jarrera sozialistan" sakontzeko asmoz, borroka komunitatea sendotzeko helburua izango du aurtengo Eskola Ibiltariak, Ikasle Abertzaleakeko kideek aurkezpenean azaldu zutenez. Uztailaren 23tik 26ra izango da Lekeitiotik Gernikara (Bizkaia), eta lau egunez, ikasleei udako errutinatik kanpo une "atsegin zein aberasgarria" igarotzeko aukera eman nahi diete.

Eskola Ibiltaria aurkezteko ekitaldiak egin dituzte dagoeneko han eta hemen, eta datozen egunetan ere badituzte hitzorduak. Uztailaren 16ra arteko epea dago bonoak eskuratzeko (20 euroan lau egunetakoa, 8 euroan egunekoa), Euskal Herri osoko salmenta puntuetan.

Horra hurrengo aurkezpenak:

Uztailak 8, astelehena:

  • Hernani (Gipuzkoa). Kontrakantxa gaztetxean, 19:00etan.
  • Gernika (Bizkaia). Gernikako Auditorioan, 21:00etan.

Uztailak 9, asteartea:

  • Bergara (Gipuzkoa). Bergarako Gaztetxean, 18:00etan.
  • Iturmendi (Nafarroa). Iturmendiko Gaztetxean, 18:30ean.

Uztailak 11, osteguna

  • Hondarribia (Gipuzkoa). Hondarribiko Gaztetxean, 19:00etan.