Aktualitatea
/
PRESO POLITIKOAK
Kontrol judizialpean, espetxetik aterako da Mikel Barrios preso politikoa
Bost urteko zigorra jarri zioten ekainean, baina defentsak helegitea aurkeztu ondoren, azaroaren 12an izango du epaiketa, Parisen.
Mikel Barrios, erdian, Mont-de-Marsango kartzelaren aurrean, ekainean. Argazkia: Bake Bidea
2020/10/07
11:11
Kontrol judizialpean, aske utzi dute Mikel Barrios euskal preso politikoa. Gaur da irtetekoa Mont-de-Marsango espetxetik. Parisko Auzitegi Korrekzionalak bost urtera zigortu zuen joan den ekainean, baina defentsak dei egin ondoren, epaiketa izango du berriz azaroaren 12an.
Ordura arte, kalean egongo litzateke, kontrolpean. Berria-k zehaztu duenez, astero sinatu beharko du polizia-etxean, eta baimena eskatu beharko du Frantziako Estatutik ateratzeko.
Zigorra jaso ondoren, ekainean espetxeratu zuten Barrios, Mont-de-Marsanen, "erakunde kriminaleko kide izatea" leporatuta. Aurrez, 2017an atxilotu zuten Alemanian beste kide batekin batera, Frantziako Estatuaren euroagindu baten ondorioz, eta Osnyko kartzelan izan zuten preso 2018ra arte.
EZ DAGO IRUZKINIK
