Atzo, 16:30ak aldera, emakume bati eraso egin zion bikotekide ohiak Gasteizko (Araba) Lakua auzoan. Batzar Nagusien kalean izan zen: 85 urteko gizonezkoak labanaz eraso zuen emakumea, eta hura sastakatzen ahalegindu zen. Eskuak erabiliz saiatu zen emakumea labankadak saihesten, eta besoetan egin zizkion zauriak erasotzaileak. Kalean zeuden hainbat pertsonak geldiarazi zuten.

Erietxera eraman behar izan zuten emakumea artatua izan zedin. Arabako Alea-ren arabera, arriskutik kanpo dago.