Erandioko (Bizkaia) Sercoin enpresak martxan jarri du langileen heren bat kaleratzeko prozedura, ELA sindikatuak jakinarazi duenez. Hemeretzi langile bidaliko lituzkete kalera, eta zuzendaritzak joan den otsailaren 2an eman zion asmoen berri langileen ordezkariari. ELAk dio "egoera koiunturala, COVID-19arena, erabili nahi" duela Sercoinek beharginak kanporatzeko.

Bestalde, zuzendaritzak azken hilabeteetan "xantaia" egin diela salatu dute langileek, adierazi baitzien "soldatak jaitsiko" zizkiela edo "kaleratzeak egongo zirela".

Segurtasun sistemen alorrean aritzen da Sercoin, hain zuzen, sistema horiek instalatzen eta mantentze lanak egiten.