Emakume bati eraso egiteagatik atxilotu dute polizia, eta berriz erasotzeko arriskua dagoela ebatzi du epaitegiak. Joan den udan, erailketa matxisten %15 egin dituzte poliziek edo polizia ohiek.
ARGAZKIA / La Verdad de Ceuta
Guardia Zibileko polizia-agente bat kartzelara dezatela agindu du Ceutako Lehen Auzialdiko eta Instrukzioko 4. zenbakiko Epaitegiak, emakume bati berriz erasotzeko arriskuagatik. Agentearen partetik jasandako hainbat eraso larri salatu ditu emakumeak, eta horregatik atxilotu dute erasotzailea. Asteartean geratu zen epailearen esku.
Genero-indarkeriagatik eta sexu-erasoagatik auzipetu dute guardia zibila, eta epaileak astearte gauean eman zuen hura espetxeratzeko agindua, kautelazko neurri modura. Mendizabal presondegian kartzelaratu dute.
Erailketa matxisten %15, Poliziak
Joan den udan, gutxienez hemeretzi hilketa matxista izan dira Espainiako Estatuan. Horietatik gutxienez hiru kasutan, poliziak edo polizia ohiak izan dira hiltzaileak: erailketen %15,75etan, beraz. 2023ko udan, berdin-berdina izan zen Poliziari lotutako kasuen portzentajea.
