Aktualitatea
/
LAN-ERAILKETAK
Garraiolari bat hil da Orion, lan-istripuz
Atzo, Orioko ordainlekuaren parean, bidetik irten zen behargin bat gidatzen ari zen kamioia, eta su hartu zuen. Euskal Herrian, gutxienez 43 lan-heriotza izan dira aurten.
2022/07/06
08:32
Beste lan-heriotza bat izan zen atzo Euskal Herrian. A-8 autobidean, Orioko (Gipuzkoa) ordainlekutik metro gutxira, istripua izan zuen kamioi bat gidatzen ari zen langile batek. 18:30ak aldera, bidetik atera zen ibilgailua, eta su hartu zuen. 51 urte zituen hildako beharginak.
Iturri sindikalen arabera, urtea hasi zenetik, gutxienez 43 langile hil dira Euskal Herrian soldatapean lanean ari zirela, edo lanera bidean.
EZ DAGO IRUZKINIK
