Auto bat jo zuen Ertzaintzako ibilgailu batek aurreko astearte goizaldean, Bilboko (Bizkaia) Etxebarriko industrialdean. EITBk jaso duenez, Poliziak gelditzeko agindu zion auto bati, baina aurrera egin zuen hark, eta orduan egin zuten talka. Ibilgailua gidatzen ari zen agenteak positibo eman zuen istripuaren ondoren egindako testean, bai alkoholean bai bestelako substantzietan.
Ertzaintzak jo zuen autoan haur bat eta beste bi pertsona zihoazen, eta hanka igeltsatuta zeukan haietako batek. Haurra eta gidaria zauritu ziren talkaren ondorioz.
