Aktualitatea
/
INDARKERIA MATXISTA
Emakume bati sexu-erasoa egin dio gizon batek Gasteizen
Emakumea etxera bidean zela, lurrera bota zuen gizonezkoak, eta hari sexu-ukituak egiten saiatu zen.
2022/11/14
08:02
Joan den larunbatean 21 urteko gizon bat atxilotu zuten Gasteizen (Araba), aurreko asteburuan emakume bati sexu-erasoa egiteagatik. Aurreko igandean salatu zuen erasoa emakumeak: etxera bidean zela, gizonak modu bortitzean bota zuen lurrera arkupe gune batean, sexu-ukituak egiten saiatzeko. Emakumeak sakelakoa eskuan zuela ikustean, ihes egin zuen erasotzaileak.
Salaketa aurkeztean jarri zen martxan polizia-ikerketa, eta gizona identifikatzea lortu zen. Atxilotua izan ostean eraman zuten epailearen aurrera.
EZ DAGO IRUZKINIK
