Aktualitatea
/
INDARKERIA MATXISTA
Emakume bati eraso dio bikotekideak Gasteizen
Hiriburuko hotel batean izan zen erasoa astelehenean. Hainbat eraso matxista salatu dira maiatzean Euskal Herrian.
Gasteizko Itaiaren manifestazioa, Martxoaren 8an. ARGAZKIA / @Itaia_Gasteiz
2024/05/16
10:41
Astelehen goizaldean, emakume bati eraso zion bikotekideak Gasteizen (Araba). Zabalguneko hotel batean ostatu hartuta zegoen bikotea, eta, oihuak entzun zirenez, abisu bat eman zuten. Antza denez, bikotea "eztabaida bortitzean" ari zela, emakumea kolpatu zuen gizonak. Zaurituta topatu zuten gero emakumea, eta atxilo eraman zuten erasotzailea.
Azken bi asteetan, hainbat eraso matxistaren berri eman dute Euskal Herrian. Iruñean (Nafarroa) eraso ugari salatu dira, tartean, Txantreako jaietan; Zornotzan (Bizkaia) eraso bat jasan du emakume batek; Barakaldon (Bizkaia), lau neskak salatu dituzte entrenatzaile batek egindako sexu-erasoak; eta, Donibane Lohizunen (Lapurdi), emakume bat erail du bere bikotekideak, hotel batean.
EZ DAGO IRUZKINIK
