Aktualitatea
/
INDARKERIA MATXISTA
Emakume bat jipoitu eta erre du bere bikotekide ohiak, Deustun
Kolpeek eragindako zauriekin eta erredurekin eraman dute Gurutzetara 58 urteko emakumea; larriki zauriturik dago.
2023/03/31
10:08
58 urteko emakume bat larriki zauriturik dago Gurutzetako Ospitalean (Barakaldo, Bizkaia), bere bikotekide ohiak emandako jipoiaren eta eragindako erreduren ondorioz. Hainbat hedabideren arabera, atzo izan zen erasoa Deustuko (Bilbo, Bizkaia) etxebizitza batean: emakumea jipoitu eta bere arropari su eman zion gizonak. Bizilagun batek lagundu zion emakumeari sua itzaltzen.
Zauriekin eta erredurekin eraman zuten erietxera, eta berak azaldu zuen bikotekide ohiak egin ziola eraso. Etxebizitza berdinean atxilotu zuten gero 63 urteko erasotzailea.
EZ DAGO IRUZKINIK
