Galizian ere sozialismoa hedatzeko asmoz jaio da Creba. Apirilaren 27an izango da aurkezpen-saioa, Compostelan.
Gero eta lurralde gehiagotan ari dira sozialismoari bide egiteko antolakundeak sortzen. Atzokoan, Galiziatik heldu zen berri pozgarria: Creba Sozialista sortu dute, Galizian sozialismoa hedatzeko asmoz. Rachar co vello mundo (Mundu zaharrarekin hautsi) lelopean eman zuten bere sorreraren berri, eta hitzordu garrantzitsu bat ere iragarri zuten, sare sozialen bidez: apirilaren 27an aurkeztuko dute Creba, Compostelan.
CJS ere martxan
Hilabete honetan, sozialismoaren aldeko hautuaren beste adierazpen politiko bat ere aurkeztu dute: Coordinadora Juvenil Socialista (CJS). "Gazte langileentzako erreferente izango den antolaketa politiko handi bat eraikitzeko" egingo dute lan Espainiako Estatuko hainbat lurraldetan.
Aurkezpen-saio ugari egingo ditu laster CJSk; hala nola, Madrilen, Granadan, Valladoliden, Guadalajaran, Zaragozan, Sevillan, Murtzian, Burgosen, Albaceten, Badajozen, Asturiasen eta Caceresen.
Rachar co vello mundo
— Creba Socialista (@CrebaSocialista) March 18, 2024
27 de abril
Compostela
Presentación Creba Socialista pic.twitter.com/noUhYNr1Zb
