Aktualitatea
/
SINDIKALISMOA
Bizkaiko Douglas lurrindegietako langileek greba mugagabeari ekin diote
Gaur hasi dute greba Bizkaiko beharginek, eta astelehenean Nafarroako langileak batuko dira. Douglas denden itxieren eta kaleratzeen aurka mobilizatu dira.
Douglas lurrindegietako langileen elkarretaratzea, gaur. Argazkia: ELA
2022/03/17
17:24
Douglas lurrindegien kateak hemeretzi denda ditu Bizkaian eta, antza, 11 ixteko asmoa du. Osotara 132 langilek egiten dute lan Bizkaian, baina lurrin-denda gehiago ditu Hego Euskal Herrian: zazpi Nafarroan, lau Gipuzkoan eta bat Araban.
Hala, Bizkaian ez ezik, Hego Euskal Herrian zehar dendak ixteko asmoa adierazi du enpresak eta, gainera, zuzendaritzak "langileen lan-baldintzak okerragotu nahi" dituela salatu dute beharginek.
Modu horretan, greba mugagabea hasi dute gaur Bizkaiko Douglas enpresako langileek eta, ELA sindikatuaren arabera, Nafarroako langileak batuko dira deialdira datorren astelehenean. Enplegu-erregulazioko espedientea (EEE) bertan behera uztea eskatzen dute, eta Kaleratzerik ez! lelopean mobilizatu dira.
EZ DAGO IRUZKINIK
