Auzitegi Nazionalean deklaratu beharko dute hamabi pertsonak, "Koroaren aurkako delituak" egotzita

Hamasei pertsonak deklaratu zuten polizia etxean urriaren amaieran, Hispanitatearen Eguneko ekintza baten harira. Urtarrilaren 12an, 13an eta 14an Espainiako Auzitegi Nazionalean egin beharko dituzte adierazpenak horietako hamabik.
Argazki Nagusia
Argazkia: madridhoy.es
2020ko abenduaren 29a

Joan den urriaren 12an, Hispanitatearen Eguna, protesta-ekintza bat izan zen Iruñean (Nafarroa): Felipe VI.a Espainiako erregearen eta Kristobal Kolonen figura erraldoiak bota zituzten lurrera hainbat pertsonak. Horrekin lotuta, polizia etxean deklaratu behar izan zuten hamasei pertsonak urriaren amaieran, eta orain, Espainiako Auzitegi Nazionalean egin beharko dituzte adierazpenak horietako hamabik, ikertu gisa.

Bideokonferentziaz deklaratuko dute urtarrilaren 12an, 13an eta 14an. Hain zuzen, "Koroaren aurkako delituak" leporatzen dizkiete oraingoz.