Aktualitatea
/
ERREPRESIOA
Hiru atxilotu Bilbon, Vox propaganda banatzen ari zela protesta egiteagatik
Espainiako Poliziak hiru pertsona atxilotu ditu gaur Bilbon; hirurak aske geratu dira jada. Duela bi asteko protesta antifaxista batekin lotuta atzeman dituzte.
2023/05/23
13:48
Vox alderdi faxista Bilboko (Bizkaia) Errekalde auzoan aritu zen hauteskunde-propaganda banatzen duela bi aste, eta faxisten aurrean protesta egin zuten hainbat lagunek.
Protestan aritu ziren hiru pertsona atxilotu ditu gaur Espainiako Poliziak; horietako bi, gutxienez, euren etxe aurrean atzeman dituzte. Indautxuko polizia-etxean izan dituzte hirurak, eta arratsalderako utzi dituzte aske, epailearen aurretik igaro gabe.
Antza, duela bi aste "desordena publikoak eragitea" eta gorroto-delitu bat egitea leporatzen diete.
EZ DAGO IRUZKINIK
