Aktualitatea
/
SOLDATA SISTEMA
Beste langile bat hil da Trapagaranen, lan-istripuz
Lantegi bateko atean harrapatuta geratu zen atzo behargina, eta bertan zendu zen. Egun berdinean, beste lan-heriotza bat izan zen Santurtzin.
ARGAZKIA / @BomberosBizkaia
2024/01/10
09:04
Atzo iluntzean, 19:30ak aldera, lan-istripu larri bat izan zuen langile batek Trapagaranen (Bizkaia). Behargina harrapatuta geratu zen Ugarte industriaguneko lantoki bateko atean, eta larriki zauritu zen. Osasun-arretako langileak bertaratu ziren arren, hil egin zen zauritua. 29 urte zituen, eta Iveco Bomloy enpresarentzat jarduten zuen soldatapean.
Egun berdinean, bizia galdu zuen garraiolari batek, gidatzen ari zen kamioiak Santurtzin (Bizkaia) su hartu ostean. Urtarrilaren 9an, beraz, bi behargin hil ziren soldatapean lanean ari zirela. Euskal Herrian, 2024a hasi zenetik argitara atera diren aurreneko bi lan-heriotzak dira.
EZ DAGO IRUZKINIK
