Martxoan etxegabetu eta tirokatu zituzten hainbat pertsona poliziek, eta bi zauritu zituzten. Horietako batek ezinbesteko bizi-ataletan jaso zituen bala-tiroak.
ARGAZKIA / Tele7
Joan den martxoaren 21ean, Poliziak bi pertsona zauritu zituen tiroz Barakaldon (Bizkaia). Garbigunetik gertu dagoen tunel hormatu batean bizi ziren hainbat lagun, beste etxebizitza-alternatibarik ez zeukatelako, baina haiek handik botatzeko bertaratu zen Barakaldoko Udaltzaingoa egun horretan; gerora irudietan erakutsi zutenez, Ertzaintza ere bertan izan zen. Etxegabetzean, bertan zeuden pertsonen kontra oldartu ziren polizia-agenteak.
Euren legezko armak erabilita tirokatu zituzten tunelean bizi ziren pertsona migranteak. Bat larriki zauritu zuten, eta Bizkaiko SOS Arrazakeriak elkarteak jakinarazi duenez, "bizitza izugarri aldatuko zaio", ezinbesteko bizi-ataletan jaso baitzituen Poliziak jaurtitako hiru bala-tiro. Bigarren pertsona ere balaz zauritu zuten, tiro bat jaso baitzuen; baina, zorionez, ez dago ospitalean jadanik.
SOS Arrazakeriakek azaldu du, gainera, pertsona migratuen egunerokoaren parte direla Poliziaren orotariko erasoak: "Miaketa umiliagarriak, etniakagatiko geldialdiak, botere-gehiegikeria, irainak, neurriz kanpoko indarraren erabilera eta, orain, suzko armak".
