Futbol-kamiseta berria aurkeztu du Athletic Club Bilbok, eta Euskal Herriko mapa txiki bat darama atzeko aldean, ikurrina batekin beteta. Sinbolo horiek direla-eta, polemika bat piztu nahi izan du Unión del Pueblo Navarro (UPN) alderdiak: mapa ken dezala exijitu dio klubari, argudiatuta "Nafarroa ez dela Euskal Autonomia Erkidegoko beste probintzia bat". UPNko presidente Cristina Ibarrolak X sare sozialean egin du auzitegietara jotzeko mehatxua.
Duela gutxi, Tuteran (Nafarroa) igeriketa-txapelketa bat egitea debekatu du UPNk, Euskal Herri mailakoa delako. Esan zuen txapelketa horrek ez duela "Nafarroako errealitate instituzionala errespetatzen".
