Aktualitatea
/
PRESO POLITIKOAK
Aske geratu da Francisco Mujika preso politikoa
Preso politiko ordiziarra atzo irten zen Zuerako espetxetik (Aragoi), 28 urte eta bederatzi hilabeteko kartzelaldiaren ostean.
Argazkia: Etxerat
2020/12/12
11:18
Francisco Mujika Garmendia Pakito aske gelditu zen atzo arratsaldean, zigorra beteta. 2021ean eman behar zuten amaitutzat haren aurkako zigorra, baina auzitegietara jotzea erabaki zuen preso politiko ordiziarrak, Fresnesko presondegian (Val-de-Marne) hilabete gehiago egin zituelako preso.
Atzo goizean jakinarazi zuen Espainiako Auzitegi Nazionak aske utziko zutela, Mujikaren eskaera onartuta. 1992. urtean espetxeratu zuten Bidarteko (Lapurdi) operazioan. Frantziako Estatuan bete zituen zigorraren lehen bederatzi urteak, eta 2000. urtean Espainiaratu zuten. Azken hamar urteak egin ditu Zueran.
EZ DAGO IRUZKINIK
