Aurreko ostiralean izan zen erasoa, eta protestara deitu zuen Itaiak. Atzo izan zen elkarretaratze jendetsu bat, 'Indarkeria matxista osori aurre egin' lelopean.
Joan den ostiral arratsaldean, adin txikiko neska bati eraso zion gizon batek Azkoitian (Gipuzkoa). Horren harira, protesta egitera deitu zuen Urola Erdiko Itaia Emakumeon Antolakunde Sozialistak, sexu-erasoa salatzeko: kontzentrazio bat antolatu zuen atzorako, astearterako. Jendetsua izan zen Azkoitiko plazan Indarkeria matxista orori aurre egin aldarriaren pean egin zen elkarretaratzea.
"Desagertzetik urrun, indarkeria matxista kasuak ugariak dira oraindik ere, eta ez dute inola ere beheranzko joerarik", seinalatu dute Itaiako kideek: "Beste aldera begiratu beharrean, erasotzaileei aurre egitea eta seinalatzea da egin dezakegun gutxienekoa". "Emakume langileon zapalkuntza betikotzen duen sistema gainditzeko antolakuntza politiko independentea indartu behar da", gaineratu dute.
