Gaur hasiko da Berangoko ongietorriaren kausan auzipetutako hamasei lagunen aurkako epaiketa. Espainiako Auzitegi Nazionalean epaituko dituzte ekainean zehar, 2022an, Ibai Aginaga preso politikoari Berangon egindako ongietorriaren harira; Aginaga bera ere auzipetuen artean da. Zigor ikaragarri altuak galdegiten dituzte haientzat, "terrorismoari gorazarre egitea" egotzita: 36 urtetik gorako espetxe-zigorrak, 171 urteko inhabilitazioak eta 75.900 euroko isunak, denera.
Auziak zalaparta sortu du Euskal Herrian, eta Madrilen ere nabari da gaur: 09:30erako, dozenaka pertsona elkarretaratu dira Auzitegi Nazionalaren parean, Berangokoekin elkartasunez. Auzipetuak ere protestara batu dira. 10:00ak jo aurretik, baina, epaitegira sartu dira, orduan baitzen hastekoa judizioaren lehenengo saioa.
Hiru akusazio daude epaiketan: Villacisneros Fundazioa, Dignidad y Justicia elkartea, eta Vox alderdia.
