Greba orokorra izango da gaur Hego Euskal Herrian eta Espainiako Estatu osoan, etxebizitza-eskubide bermatuaren alde. Etxebizitza-sindikatuek eta gehiengo sindikalak deituta, hiru aldarri nagusi aterako dituzte gaur mahaira: espekulazioaren debekua, espekulatzaileen espropiazioa eta behar sozialen araberako etxebizitza-planifikazioa.
Basaurin, MercaBilbao aurreko errepidea itxi dute piketeek.
Iruñerrian, villavesen irteeratik gertu, bi grebalari zintzilikatu dira PA-30 errepideko zubi batetik. Trafikoa gelditu dute EHKS eta Etxebizitza Sindikatu Sozialistaren piketeek.
Itziarren, industrialdera igotzeko bi biribilguneak moztu dituzte piketeek.
Hasi dira eguneko lehen bide-mozketak. Hernaniko Zikuñagako papertegiko sarrera (langileen greba-eskubidea urratzen ari da) moztu dute grebalariek, baita Bergarako San Juan auzoko errepide bat ere.
