Gaurko egunez, duela bederatzi urte, Katalunian independentziaren aldeko erreferenduma egiten ahalegindu ziren, 2017ko urriaren 1ean. Estatuko eta lurraldeko instituzioen arteko tentsio-aldi handi baten erdian egin zen. Hori dela eta, Kataluniako Gobernuak dei egin zuen erreferendumean parte hartzera, eta Estatuak polizia-dispositibo erraldoia egin zuen lurralde katalanetan.
Kataluniako procés-aren baitan, aurreko urteetako mobilizazioaren gorakadak oihartzuna izan zuen urriaren 1 hartan, eta ehunka milaka pertsona irten ziren erreferendumean parte hartzera eta manifestatzera. Polizia manifestarien aurka oldartu zen hainbatetan, baita hauteslekuak itxi eta hautetsontziak konfiskatu ere.
