Hiru langile zauritu ziren atzo Nafarroan, lan-instripuz

Actualidad / RÉGIMEN SALARIAL

Martzillan, Tafallan eta Bilatortan (Nafarroa) lanean ari zirela pairatu dituzte istripuak hiru langileek. Bi ospitaleratu zituzten, zaurituta baitzeuden.

Martzillako Exkal lantegia.

2022/02/28 22:56

Lehen istripua goizeko 11:20ean izan zen, Martzillako (Nafarroa) Exkal lantegian. Soldatapeko lanean ari zela, 4 metroko altueratik erori zen 54 urteko gizon bat eta, ondorioz, buruan traumatismo bat jasan zuen. Iruñean (Nafarroa) ospitaleratu zuten atzo bertan.

Bigarren istripua goizeko 12:30ak aldera gertatu zen. Bilatortako (Nafarroa) Embega enpresan lanean ari zela, deskarga elektriko bat izan zuen behargin batek. Antza, bere egoera ez da larria.

Arratsaldean izan zen eguneko hirugarren lan-istripua; Fagor enpresaren Tafallako (Nafarroa) fabrikan lanean ari zen behargin bat zauritu zen. Xafla bat erori zitzaion buru gainera, eta enpresako medikuak artatu zuen arren, jakinarazi dute ospitalean larriki zaurituta dagoela.