APAVI patronalak ez die negoziazioei bide egin, eta langileek erabaki dute greba egitea martxoaren 7tik 11ra. Mobilizaziora deitu dute, lan-hitzarmen berri bat lortzea helburu izanda.
Bizkaiko autoeskoletako beharginen mobilizazioa, aurreko grebaldian. Argazkia: ELA
Bizkaiko autoeskoletako langileek gaur, martxoaren 4an, jakinarazi dute greba berrartuko dutela datorren astelehenean. Antza, aurreko mobilizazio-zikloaren ostean, APAVI patronalak ez du "kontra-proposamenik" egin edota negoziazio-mahaira berriro deitu; hartara, beste bost eguneko greba bat egingo langileek. Martxoaren 7an, 8an, 9an, 10ean eta 11n joko dute grebara Bizkaiko autoeskoletako beharginek.
Astelehenean bertan hasiko dira mobilizazioak; Bilboko (Bizkaia) zein Barakaldoko (Bizkaia) kaleak auto-karabana batean zeharkatzeko deia egin dute. Hori ez ezik, elkarretaratzeak eta bestelako mobilizazioak deituko dituzte astean zehar.
Langileen helburu nagusia lan-hitzarmen berri bat lortzea da, eta hainbat eskaera egin zituzten ikasturte hasieran; tartean, soldata taulak ezartzea, lanaldiak murriztea, irregulartasunak ekiditea, eta abar.
