Eusko Jaurlaritzak neurri murriztaileak ezarriko ditu eremu gorrian dauden herrietan

Actualidad / REFORMAS

Asteartean emango du neurrien berri Gotzone Sagardui Osasun Sailburuak. "Jendetzak saihestera eta joera hau geldiaraztea guztion lana dela ikusaraztera bideratuko dira neurriak", esan du Eusko Jaurlaritzak.

2021/11/14 13:45

Une honetan, 150etik gorakoa da 100.000 biztanleko intzidentzia tasa Araban, Bizkaian eta Gipuzkoan. Eusko Jaurlaritzak adierazi du "beharrezkoa" dela "Euskadiko kutsatzeen goranzko joera lehenbailehen geldiaraztea", eta hori aitzakiatzat hartuta, "eremu gorrian" dauden udalerrietan neurri murriztaileak ezarriko dituela jakinarazi du.

Gotzone Sagardui Eusko Jaurlaritzako Osasun Sailburuak asteartean emango du neurrien berri, prentsaurreko baten bidez. "Jendetzak saihestera eta joera hau geldiaraztea guztion lana dela ikusaraztera bideratuko dira neurriak", aurreratu du gobernuak.

EITB-ren arabera, "murrizketa berrietarako prestatzen ari da" Nafarroa ere.