Atzo arratsaldean, 19:40ak aldera, bizia galdu zuten bi langilek Lapuebla de Labarcako (Araba) Espada Ojeda upategian. Lanean ari zela, mahatsa biltzeko depositu batera erori zen beharginetako bat, eta laguntzen saiatu zenean jausi zen barrura beste langilea. Bertan zendu ziren biak; 56 eta 52 urte zituzten.

Astelehenean eman zuten beste langile baten hilketaren berri Euskal Herrian: Trapagarango (Bizkaia) Productos Tubularesen soldatapean aritzen zen behargin bat zendu zen, aurreko ostegunean izandako lan-istripuaren ondorioz.

Aurten, Euskal Herriko gutxienez 43 behargin erail dituzte haien lanpostuetan. Sindikatuek emandako datuen arabera, 52 izan daitezke hildakoak.