Garikoitz Arruarte preso politikoa ere baldintzapean aske utzi dutela jakinarazi du Etxerat elkarteak. Hogei urte egin ditu kartzelan: Almeriako espetxetik Soriakora tokialdatu zuten 2020an, eta Iruñera Euskal Herriratu zuten 2021ean. 2003an kartzelaratu zuten.
Hernaniko (Gipuzkoa) beste bi preso ere berriki irten dira espetxetik. Madrilen epaitua izan ostean, Itxaso Zalduari behin-behineko kartzelaldia etetea erabaki du Espainiako Auzitegi Nazionalak, sententzia atera bitartean. Bestalde, baldintzapean aske gelditu da Gorka Loran.
