Petronor enpresak Muskizen (Bizkaia) duen findegian lan-heriotza bat gertatu zen atzo, astelehenean. Mantentze elektrikoko lanak egiten ari zela, konortea galdu eta hil egin zen behargin bat. Azpikontratatutako Siemsa enpresarentzat jarduten zuen soldatapean.

Urtea hasi zenetik, Euskal Herrian, gutxienez 56 langilek galdu dute bizia soldatapean lanean, lanera bidean edo lanetik bueltan.