Azken astean, gutxienez hiru lan-heriotza izan dira Euskal Herrian. Bestalde, asteartean, beste langile bat larriki zauritu zen Arrasaten, JMA enpresan.
FOTOGRAFÍA / Arrasateko Udala
Azken egunetan, bi lan-istripu larri izan dira Arrasaten (Gipuzkoa). Astelehenean, Construcciones Moyua enpresarentzat jarduten zuen langile batek galdu zuen bizia: obra batean ari zen lanean, eta bihotzeko bat jasan zuen. Ospitalera eraman zuten, baina hil egin zen han.
Hurrengo egunean, berriz, larriki zauritu zen herri berdineko JMA enpresako behargin bat. Makina batek harrapatu zuen eta zauri larriak eragin zizkion, batez ere, aurpegian.
Astebetean, hiru
Euskal Herrian, gutxienez hiru langile hil dira lan-istripuz azken astean. Aurreko igandean, Erandion (Bizkaia) zendu zen okindegi bateko banatzailea, lan-istripu "ez traumatiko" batean. Asteartean, N-121 errepidean, Erriberan (Nafarroa), trafiko-istripu larri bat izan zuen garraiolari batek, eta bizia galdu zuen.
Iturri sindikalen arabera, urtea hasi zenetik, Euskal Herrian 31 langile hil dira soldatapean lanean, lanera bidean edo lanetik bueltan.
