Beroak edota intsolazioak 199 lan-istripu eragin zituzten iaz. Muturreko tenperaturek, argiak edota erradiazioak sortutako istripuak, berriz, 105 izan ziren.
FOTOGRAFÍA / Miguel Ángel Molina/EEFE
2023. urtea inoiz erregistratutako beroenetarikoa izan zen, eta horrek izan zuen eragina soldatapeko lanean ere. Beroak edota intsolazioak 199 lan-istripu sortu zituzten iaz Espainiako Estatuan, horietatik bi, hilgarriak. Muturreko tenperaturek, argiak edota erradiazioak, gainera, beste 105 istripu eragin zituzten. Denera, beraz, mota horretako 304 lan-istripu zenbatu zituzten, eta horietatik bi kasutan galdu zuten bizia soldatapean laneran ari ziren langileek.
Espainiako Lan Ministerioak bi kategoria horiek bereizten ditu erregistroetan; beroak edota intsolazioak eragindako istripuak batetik, eta muturreko tenperaturekin, argiarekin edota erradiazioarekin zerikusia dutenak, bestetik. 2023ko datuei erreparatuta, 2022tik, %27 egin zuten gora aurreneko kategoriako lan-istripuek. Bigarren kategoriakoak, aldiz, %18 areagotu ziren. Bietako ezbeharrak kontuan hartuta, batez beste, %24 igo ziren beroarekin nolabaiteko lotura izan zuten istripuek.
