Aktualitatea
/
ESPETXEA
Zigor Merodio preso politikoa aske utzi dute, hamahiru urte kartzelan eman ondoren
2006. urtean atxilotu zuten, Bordelen, ETAko kide izatea egotzita. Hamahiru urtez izan dute preso, eta hainbat kartzeletatik igaro ostean, Mont-de-Marsanen egon da atxilo urriaz geroztik.
Irungo mugan, Merodiori ongi etorria egin diote senideek eta lagunek. Argazkia: Berria
2019/09/19
18:09
Gaur, hilak 19, aske utzi dute Zigor Merodio Larraona (Bilbo, 1974) euskal preso politikoa, Mont-de-Marsanen (Okzitania) zigor osoa bete ondoren. Libre utzi dutenean, senideak eta lagunak Irungo mugan zituen esperoan Merodiok.
Bordelen atxilotu zuten 2006. urteko ekainean, ETA erakundearen egitura logistikoko kidea zelakoan. Denetara, hamahiru urte eman ditu atxilo hainbat kartzelatan. Fresnesen izan zen lehendabizi; gero, Saint Martin de Re-n; eta urriaz geroztik, Frantziako Gobernuak hurbilduta, Mont-de-Marsanen egon da preso EPPK-ko kidea.
