Atzo eguerdian basogintzako langile bat zauritu zen Arrankudiagan (Bizkaia). Mendian lanean ari zela hartu zuen azpian zuhaitz batek, Orozkoko (Bizkaia) ordainlekutik gertu; hain zuzen, Pagobakar zonaldean izan zen lan-istripua, Zollo urtegi inguruan.

Larrialdi-zerbitzuek adierazi dutenez, sastrakak kentzen ari zenean erori zen beharginaren gainera zuhaitz bat, eta orkatila apurtu zion. 36 urte ditu langileak.

Suhiltzaileek kamioi batean mugitu zuten zauritutako langilea Osakidetzako helikopteroa zegoen larrera eta, handik, Gurutzetako Ospitalera (Bizkaia) eraman zuten.