Lanpostuetan izan dira istripu horietatik 19.996, eta 2.393 'in itinere'. Zerbitzuen sektorean erregistratu dira istripu gehien.
Osalan Laneko Segurtasun eta Osasunerako Euskal Erakundeak argitaratutako datuen arabera, 2022. urteko aurreneko zortzi hilabeteetan gutxienez 23.380 lan-istripu izan dira Araban, Bizkaian eta Gipuzkoan; horietako 19.996 izan dira lanpostuetan, eta 2.393 in itinere —lanera bidean edo lanetik bueltan—.
Istripu horiekin lotuta, batez beste 97 baja erregistratu dira egunean urtarriletik abuztura bitartean. Denbora-tarte horretan, beraz, lan-istripuen ondoriozko ia 100 baja eman dira egunean.
Zerbitzuen sektorean izan dira lan-istripu gehien lanaldian, 10.658, eta industriaren sektoreak jarraitzen dio atzetik, 6.408 istripu izan baitira han. Eraikuntzan 2.574 istripu erregistratu ditu Osalanek, eta 356 Nekazaritza, Abeltzaintza eta Arrantzan.
