2024aren bukaeratik behartu du gaztea berekin sexu-harremanak izatera, diru truke.
16 urteko emakume batek aurreko asteartean jarri zuen salaketa bat Tolosaldean (Gipuzkoa), gizonezko batek modu jarraituan bortxatu duela azalduz. 71 urte ditu erasotzaileak, eta, trukean dirua eskainiz, berekin sexu-harremanak izatera behartu du adingabea.
Biktimak salaketa aurkeztean jakinarazi duenez, 2024. urtearen amaieran hasi ziren erasoak. Hirugarren pertsona batek proposatu edo eskaini zion gizonari neskarekin sexu-harremanak edukitzea, diru truke. Orduan behartu zuten gaztea berekin harremanak izatera, eta bortxatzailearen autoan izaten ziren hitzorduak.
Aurreko asteazkenean atxilotu zuten erasotzailea, eta epailearen aurretik igaro ondoren, behin-behinean espetxeratu zuten. Sexu-eraso bat egitea eta "adingabeak galbideratzea" leporatzen diote, El Diario Vasco-ren arabera.
