Euskal Herrian 1.140 pertsona daude soldatapean Sidenorren, Azkoitiako (Gipuzkoa), Basauriko (Bizkaia) eta Gasteizko (Araba) lantegietan. Espainiako Estatuan beste bi lantegi ditu enpresak, Kantabrian eta Katalunian, eta Alemanian, Frantzian, Italian eta Erresuma Batuan ordezkaritzak ditu.
Sidenorrek lan-erregulazio txostena aurkeztuko duela adierazi du, baina ez du xehetasun gehiago eman. Zuzendaritzak sindikatuei adierazi die txostena egiteko asmoa, eta orain, negoziazio epea ireki dute, lan-erregulazioaren baldintzak finkatzeko.
Auto ekoizleentzat egiten du batez ere lan Sidenorrek, eta COVID-19aren pandemiak sektorea geratu du. Enpresak dioenaren arabera, ekoizpena moztu beharra dute, eta 1.500 langileak izango dira merkatuaren aldaketa horiek ordainduko dituztenak.
