Aktualitatea
/
MIGRAZIOA
Pertsona saharar bat deportatuko dute Loiutik, hamar egunez aireportuan eduki ostean
Asiloa ukatu diote, eta badirudi bihar deportatuko dutela Marokora. Loiuko aireportuan izan dute astebete baino gehiagoz.
2024/07/03
12:04
Pertsona saharar batek hamar egun daramatza Loiuko (Bizkaia) aireportuan, handik irtetea baimendu ez dietenentzako atxikitze-gunean. Marokotik abiatutako hegaldi baten bidez mugitu zen bertara, baina atxiki egin zuten aireportuan, bere pasaporteak ez omen zuelako bidaia hori egin ahal izateko beharrezko irteera-zigilaturik. Gatibu izan dute ordutik, astebete baino gehiagoz.
Asilo-eskaera bat egin zuen atxikitako pertsonak, baina ukatu egin diote eskubide hori: gaur eman dute ebazpenaren berri. El Correo-ren arabera, bihar bertan deportatuko dute Marokora, goizeko 07:00etan Loiutik aterako den hegaldi baten bidez.
EZ DAGO IRUZKINIK
