Osasun-larrialdiaren harira, martxoan, Arabako Foru Aldundiak Gasteizko (Araba) Zadorra foru egoitzara bidali zituen Bizia eguneko zentroko langileak. Martxotik ari dira bertan lanean, gaixo dauden adineko pertsonak artatzen. Dena den, bertako langileen lan, egutegi eta ordutegi berdinak bete arren, aurretik foru egoitzan jarduten zutenena baino soldata baxuagoak dituztela salatu dute eguneko zentroko beharginek; hain zuzen, "askoz gutxiago" irabazten dutela diote.
Gainera, langile gehienak emakumeak direla adierazi dute, lanerako tokiz aldatzean ordutegi berrietara egokitu behar izan dutenak. Araban, oraindik ez dago lurralde mailako hitzarmenik sektorean, Gipuzkoan eta Bizkaian badiren arren.
