Aktualitatea
/
SINDIKALISMOA
OPA enpresako langileek greba mugagabeari ekin diote Igorren
Ormazabal Protection & Automation enpresako langileek greba mugagabea hasi dute. Hitzarmena berritzea dute helburu, 2021etik hura gaurkotzeko esperoan baitaude.
Igorreko Ormazabal Protection & Automation enpresako langileen elkarretaratzea. Argazkia: ELA
2022/02/03
17:30
Greba mugagabea hasi dute Ormazabal Protection & Automation (OPA) enpresako langileek, hitzarmen berria eskuratzeko asmoz. OPA Igorren (Bizkaia) kokatutako enpresa bat da, eta Velatia enpresa-taldearen parte da. Sektore elektrikoa hornitzen du enpresak eta, preseski, babes-tresnak eta gailuak egiten ditu.
Langileek salatu dutenez, 2021etik enpresak ez du hitzarmena berritu, azken urteetako irabazi ekonomikoak handiak izan diren arren. Hori ez ezik, zuzendaritzak "ekoizpen eremuko kategorien gaurkotzea" ez duela egin azpimarratu dute, hartutako konpromisoari muzin eginez.
Hartara, greba mugagabeari ekin diote langileek, 2021era arte izandako lan-baldintzak bermatzea ahalbidetuko lukeen lan-ituna lortze aldera.
EZ DAGO IRUZKINIK
