Urtarriletik aurrera, Mercedesek ez dizkie lan-kontratuak berrituko Gasteizko (Araba) fabrikako behin-behineko langileei; hala adierazi dio Emilio Titos Gasteizko (Araba) fabrikako zuzendariak El Correo egunkariari. 5.000 behargin dira Arabako lantegian (zeharka 30.000 langile baino gehiagok jarduten dute soldatapean Mercedesentzat), eta 500 inguruk dute behin-behineko lan-kontratua. Antza, gaueko txandan aritzen direnei eragingo die kaleratze prozesuak.

Bestalde, balikete gainontzeko langileei enplegu erregulazioko espediente bat ezartzea; izan ere, Gasteizko lantokiko zuzendaritzak dio "ezinezkoa" dela bestela hiru txandak mantentzea. Badirudi hastear direla zuzendaritzaren eta sindikatuen arteko elkarrizketak, lan-hitzarmena eta baldintzak negoziatzeko.