Aktualitatea
/
LANGILE KONTROLPEKO ESPAZIOAK
Luis Buñuel zentro sozial okupatua hustu dute polizia-indarrek Zaragozan
Udalak eskatuta desalojatu du gunea Espainiako Poliziak, modu bortitzean. Zazpi urteko ibilbidea izan du Zaragozako Zentro Sozial Komunitarioak. Protesta bat izan zen atzo.
ARGAZKIA / CSC Luis Buñuel
2023/02/09
11:56
Asteazkenean, goizaldeko 05:00ak aldera, Zaragozako Luis Buñuel Zentro Sozial Komunitarioa (CSC) hustu zuen Espainiako Poliziak. Atea eta leihoak hautsita sartu ziren gunera 30 polizia-agente inguru, eta ingurua hartu zuten: hamar furgoi bidali zituzten polizia-lerroa osatzeko. Duela zazpi urte inguru okupatu zuten zentroa.
Udalaren jabetzakoa da Luis Buñuel institutua izandakoa, eta udalak berak eskatu du desalojoa. Zentroa borondatez uzteko legezko epea amaituta, epaitegiak joan den astelehenean eman zuen espazioa indarrez husteko baimena.
Luis Buñuel zentroaren hustea salatzeko protesta bat izan zen Zaragozan atzo iluntzean, El Buñuel no se rinde leloaren pean.
EZ DAGO IRUZKINIK
