Aktualitatea
/
SOLDATA SISTEMA
Langile bat zauritu da Iruñean, lan-istripuz
Eraikuntza-lanetan ari zen 50 urteko behargina, eta aldamio bat erori zaio gainera. Atzo, gainera, bi langile hil ziren lanean ari zirela, Leotzen eta Loiun.
2024/10/16
17:44
50 urteko langile bat zauritu da gaur Iruñean (Nafarroa), Agoitz kalean eraikuntza-lanak egiten ari zela. Aldamio bat jausi zaio gainera, goizeko 09:00ak aldera. Politraumatismoak ditu, eta Nafarroako Unibertsitate Ospitalera eraman dute. Pronostiko erreserbatua iragarri dute medikuek.
Atzo bi langile hil ziren lan-istripuz Euskal Herrian, Leotzen (Nafarroa) eta Loiun (Bizkaia), hain zuzen ere. Euskal Herrian, gutxienez 47 langilek galdu dute bizia aurten soldatapeko lanean, lanera bidean edo lanetik bueltan.
EZ DAGO IRUZKINIK
