Aktualitatea
/
SOLDATA SISTEMA
Langile bat hil da Santakaran, garraio-lanetan ari zela
Ostiral biharamunean, bidetik irten zen garraiolaria gidatzen ari zen kamioia. Aurten, gutxienez hemeretzi lan-heriotza izan dira Euskal Herrian; garraiolariak ziren horietatik lau.
2023/05/08
09:59
Beste behargin bat hil zen aurreko astean Euskal Herriko errepideetan. Ostiral biharamunean, 02:00ak aldera, NA-5330 errepidean izan zen lan-istripua: Santakaratik (Nafarroa) hurbil, bidetik irten zen garraiolaria gidatzen ari zen kamioia, eta irauli egin zen. Larrialdi-zerbitzuko langileek ezin izan zuten ezer egin, eta hil egin zen 59 urteko behargina.
Iturri sindikalen arabera, aurten, Euskal Herrian, gutxienez hemeretzi langilek galdu dute bizia soldatapean lanean, lanera bidean edo lanetik bueltan. Horietatik lau, hain justu, garraiolariak ziren. Aurreko urtean, 2022an, gutxienez 11 garraiolari hil ziren lan-istripuz.
EZ DAGO IRUZKINIK
