Aktualitatea
/
LAN-ERAILKETAK
Langile bat hil da Aulestin, baso-lanetan ari zela
Atzo arratsaldean izan zen lan-istripua, Urriola auzoan. Gutxienez 60 lan-heriotza izan dira aurten Euskal Herrian.
Aulesti.
2022/10/05
08:44
60 urteko behargin batek bizia galdu zuen atzo, baso-lanak egiten ari zela. Aulestiko (Bizkaia) Urriola auzoan izan zen lan-istripua, 15:40ak aldera; makina batek harrapatu zuen zuhaitzak mozten ari zenean. Dirudienez, larrialdi-zerbitzuetako langileak bertaratu ziren lekura, baina hilik zegoen langilea.
Iturri sindikalen arabera, urtea hasi zenetik, gutxienez 60 lan-heriotza izan dira Euskal Herrian; lanpostuetan, lanera bidean edo lanetik bueltan. Abuztuan beste baso-langile bat hil zen, Zeanurin (Bizkaia).
EZ DAGO IRUZKINIK
