Aktualitatea
/
INDARKERIA MATXISTA
Hiru sexu-eraso salatu dituzte azken egunetan Zarautzen eta Tolosan
Aurreko ostegunean, emakume adingabe bati eraso zion gizonezko batek. Tolosan, bi emakumeri eraso die beste gizon batek, osteopatia bulego batean.
2024/01/30
08:58
Azken egunetan, hiru emakumek jasandako sexu-erasoen berri eman dute Euskal Herrian. Zarautzen (Gipuzkoa), aurreko ostegunean izan zen eraso bat: emakume adingabe bati eraso zion gizonezko batek. Ostegunean bertan eraman zuten atxilo erasotzailea.
Tolosan (Gipuzkoa), berriz, bi emakumeri (adingabea da haietako bat) egin dizkie sexu-erasoak beste gizon batek. Osteopata da erasotzailea, eta bere bulegoan egin zien eraso bi emakumeei, bakarrik zeudela: masaje bat ematea aitzakiatzat hartuta, ukituak egin zizkien. Hilabete honetan jarri dituzte salaketak bi emakumeek; erasoetako bat oraintsu izan da, baina duela zenbait urte gertatu zen bestea. Urtarrilaren 21ean atxilotu zuten erasotzailea.
EZ DAGO IRUZKINIK
