Aktualitatea
/
SEXU-ESPLOTAZIOA
Hainbat neska adingabe prostituitu dituzte Bizkaian
Dirudienez, Santurtzin erdi abandonatuta dagoen eraikin batean prostituitu zituzten hainbat neska. Bizkaiko Foru Aldundiaren tutoretzapean daude.
2022/02/14
11:07
Ikerketa polizial eta juridiko bat ireki dute Bizkaian, prostituzio kasu bat ikertzeko. Oraindik gertatutakoa ikertzen ari diren arren, antza, adingabeko hainbat emakume prostituitu zituzten Santurtzin (Bizkaia) erdi abandonatuta dagoen eraikin batean. Droga kontsumoa ere izan zen, dirudienez.
Bizkaiko Foru Aldundiaren tutoretzapean daude neskak; hain zuzen, Mungiako (Bizkaia) Zabalondo zentroan bizi dira. Erregimen irekian zeuden prostituitu zituztenean. Oraingoz, 14 urteko bi neskak deklaratu dute auzian.
2016an, Gasteizko (Araba) Sansoheta zentroko zenbait neska eta mutil prostituitu zituztela atera zen argitara. Aurki izango da auzi horretan akusatutakoen kontrako epaiketa.
EZ DAGO IRUZKINIK
