Aktualitatea
/
OLATU ERREAKZIONARIOA
Faxismoari eta arrazakeriari ezetz esan diete Deban
Pegatina faxista ugari agertu dira Deban azkenaldian, eta protestara deitu zuen atzorako Debako Gazte Asanbladak.
2024/12/09
14:00
Euskal Herriko hamaika txokotan modu kezkagarrian gertatzen ari den modura, azkenaldian pegatina faxistak jarri dituzte Deban (Gipuzkoa): "Euskal Herria euskaldunontzat" eta "Islamizazioari ez" mezuak irakur zitezkeen eranskailuetan, esaterako. Hala, propaganda hori salatu eta kentzera deitu zuen Debako Gazte Asanbladak: "Ez diogu lekurik txikiena ere utziko faxismoari".
Horretaz gain, kontzentrazio bat antolatu zuen asanbladak: atzo izan zen, 18:30ean Plaza Berrian. Faxismoari eta arrazakeriari ezetz esan zieten protestan, eta gazteek azpimarratu zuten diskurtso erreakzionarioek ez daukatela lekurik Deban.
EZ DAGO IRUZKINIK
