Teorian, Euskal Herrian izango da gaur Vito Quiles. Mezu faxistak zabaltzeko asmoz hainbat unibertsitatetan barrena egiten ari den biraren barruan, esan zuen gaur Iruñeko (Nafarroa) Opusen unibertsitatera bertaratuko dela; Iturrama auzora, alegia. Hori dela-eta, faxismoaren aurkako mezuz bete dute auzoa azken orduetan.

Iturramako kaleetan irakur daitezke, besteak beste, "Faxismoa suntsitu", "Faxismoaren aurrean klase-batasuna", "Faxismoari arnasik ez", "Faxismoa gelditu", "Faxismoaren aurka antolatu", "Faxistak kanpora", "Faxismoaren aurrean antolakuntza komunista", "Arrazakeriari aurre egin diezaiogun", eta abar.

Probokatzaile faxistaren etorreraren harira, gainera, mobilizazio-deialdi bat egin dute Iruñerrian gaur arratsalderako. Faxismoaren kontra, 17:30ean Opusen unibertsitateko Komunikazio Fakultate aurrean biltzera deitu dute, izatez, bertan egongo baita Quiles.