Atzo, Gasteizko sarraskiaren 48. urteurreneko mobilizazioan, manifestarien kontra modu bortitzean oldartu zen Ertzaintza: dozenaka lagun zauritu zituen borrak, foam jaurtigaiak, gomazko pilotak nahiz furgonetak erabilita, eta lau pertsona atxilotu zituen. Hona hemen hainbat politikari profesionalen erreakzioak.
ARGAZKIA / Arabako Alea
Goizean, hainbat alderdi parlamentariok baliatu zuten Martxoaren 3a itxurak egiteko: 1976an Espainiako Poliziak tiroz eraildako langileak omendu zituzten, ekitaldiak eta lore-eskaintzak antolatuta. Sinesgaitza badirudi ere, sarraskian hildako langileak oroitu zituzten PPk eta EAJk. EH Bilduk, bestalde, Pello Otxandiano lehendakarigaiarekin ekitaldi politiko bat egiteko probestu zuen unea.
Polizia-kargen eta atxiloketen osteko erreakzioak, ordea, ez ziren hain hotsandikoak izan. Gasteizko Udala osatzen duten alderdi parlamentarioetako hainbat politikariren erreakzioak bildu ditugu:
Maider Etxebarria, Gasteizko alkatea (PSE-EE): hitzik ez.
Beatriz Artolazabal, Gasteizko alkateordea (EAJ): hitzik ez.
Rocio Vitero (EH Bildu), Twitterren:
"El 3 de marzo es un día para el recuerdo y la reivindicación. Halako gertakariek ez diete Martxoak 3ko aldarrikapenei mesede egiten."
Garbiñe Ruiz (Elkarrekin Podemos), Twitterren:
"Lamento profundamente que un día para honrar la memoria de las asesinadas del 3 de Marzo se haya enturbiado con enfrentamientos entre manifestantes y policía. La violencia NUNCA será el camino para la búsqueda de verdad, justicia, reparación y no repetición."
Ainhoa Domaica (PP): hitzik ez.
