Aurreko igandean, behargin bat zendu zen Erandion (Bizkaia), Obrador Asuaberri enpresan. Banatzaile modura aritzen zen 61 urteko langilea, eta goizaldean hil zen lan-istripu "ez traumatiko" batean, banatu beharrekoa prestatzen ari zenean.
Astearte honetan, gainera, garraioan jarduten zuen beste langile batek galdu zuen bizia Euskal Herrian: 56 urteko garraiolari batek trafiko-istripua izan zuen Erriberan (Nafarroa), lanean ari zela. Kamioiko kabinan harrapatuta gelditu zen, eta hil egin zen.
Urtea hasi zenetik, Euskal Herrian, gutxienez 30 behargin hil dira soldatapean lanean, lanera bidean edo lanetik bueltan.
