Gazte Koordinadora Sozialistak protestak antolatu zituen atzorako, larunbata, 'Burgesiaren zuzeneko diktadura gelditu!' aldarripean. Deialdiarekin bat egin eta ehunka pertsona irten ziren kalera, "askatasun politiko eta zibilen defentsan". Alarma egoeraren eta haren eskutik ezarri dituzten neurri murriztaile berrien aurrean, "zuzeneko diktadura salatzen" eta "antolakuntza komunistaren beharra" aldarrikatzen jarraituko dutela iragarri dute GKSko kideek.